பணி நிரந்தரம் கோரி நகராட்சி ஒப்பந்த தூய்மைப் பணியாளர்கள் திடீர் ஆர்ப்பாட்டம்!

கள்ளக்குறிச்சி மாவட்டம் உளுந்தூர்பேட்டையில், நகராட்சி ஒப்பந்த தூய்மைப் பணியாளர்கள் தங்களது பல்வேறு வாழ்வாதாரக் கோரிக்கைகளை வலியுறுத்தி கண்டன ஆர்ப்பாட்டத்தில் ஈடுபட்டனர். உளுந்தூர்பேட்டை நகராட்சியில் ஒப்பந்த அடிப்படையில் பணிபுரிந்து வரும் தூய்மைப் பணியாளர்களைப் பணி நிரந்தரம் செய்ய வேண்டும், உரிய காலமுறை ஊதியம் வழங்க வேண்டும் என்பன உள்ளிட்ட பல்வேறு கோரிக்கைகளை முன்வைத்து பணியாளர்கள் இந்த ஆர்ப்பாட்டத்தை முன்னெடுத்தனர். நீண்ட நாட்களாக நிலுவையில் உள்ள தங்களது நியாயமான கோரிக்கைகளுக்கு நகராட்சி நிர்வாகமும் அரசும் உடனடியாகத் தீர்வு காண வேண்டும் என ஆர்ப்பாட்டத்தில் ஈடுபட்ட தூய்மைப் பணியாளர்கள் வலியுறுத்தினர்.