விருதுநகர் மாவட்டத்தில் செப்டம்பர் மாதத்திற்கான விவசாயிகள் குறைதீர்க்கும் நாள் கூட்டம் வரும் 25-ந்தேதி காலை 11 மணிக்கு நடைபெற உள்ளது.
விருதுநகர் புதிய மாவட்ட ஆட்சியர் அலுவலக மக்கள் கூட்ட அரங்கில் நடைபெறும் இந்தக் கூட்டத்துக்கு மாவட்ட ஆட்சியர் ஷரண்யா அறி தலைமை வகிக்கிறார்.
கூட்டத்தில் மாவட்டத்தைச் சேர்ந்த விவசாயிகள் கலந்து கொண்டு, விவசாயம் தொடர்பான பொதுவான கோரிக்கைகளை மனுவாக அளிக்கலாம் என மாவட்ட நிர்வாகம் தெரிவித்துள்ளது.
மேலும், ஒவ்வொரு வட்டாரத்திலிருந்தும் தலா 2 விவசாயிகள் பங்கேற்று, பொதுவான விவசாயக் கோரிக்கைகள் குறித்து விவாதிக்கலாம் என தெரிவிக்கப்பட்டுள்ளது.
விவசாயிகளின் குறைகளை உரிய முறையில் எடுத்துரைத்து தீர்வு காணும் வகையில் கூட்டம் சிறப்பாக நடைபெற, விவசாயிகள் அனைவரும் முழு ஒத்துழைப்பு வழங்க வேண்டும் என மாவட்ட ஆட்சியர் ஷரண்யா அறி கேட்டுக்கொண்டுள்ளார்.