விருதுநகரில் இந்திய தனித்துவ அடையாள ஆணையமான (UIDAI) சார்பில் அமைக்கப்பட்ட புதிய ஆதார் சேவா கேந்திராவை மாவட்ட ஆட்சியர் ஷரண்யா அறி திறந்து வைத்து, குத்துவிளக்கேற்றி அதன் செயல்பாட்டை தொடங்கி வைத்தார்.
விருதுநகர் மாவட்ட பொதுமக்களுக்கு ஆதார் தொடர்பான பல்வேறு சேவைகளை ஒரே இடத்தில் எளிதாக வழங்கும் வகையில் இந்த நவீன ஆதார் சேவா கேந்திரா அமைக்கப்பட்டுள்ளது.
என்னென்ன சேவைகள் கிடைக்கும்?
இந்த மையத்தில் பொதுமக்களுக்கு,
- புதிய ஆதார் பதிவு
- பெயர், முகவரி, பிறந்த தேதி உள்ளிட்ட விவரங்களைப் புதுப்பித்தல்
- மொபைல் எண் மற்றும் மின்னஞ்சல் முகவரி மாற்றம்
- புகைப்படம், கைரேகை, கருவிழி உள்ளிட்ட பயோமெட்ரிக் தகவல்களைப் புதுப்பித்தல்
- ஆதார் அட்டையைப் பதிவிறக்கம் செய்தல் மற்றும் அச்சுப் பிரதியைப் பெறுதல்
- குழந்தைகளுக்கான ஆதார் பதிவு
- குழந்தைகளுக்கான கட்டாய பயோமெட்ரிக் புதுப்பிப்பு
உள்ளிட்ட பல்வேறு சேவைகளைப் பெற முடியும்.
UIDAI சார்பில் செயல்படும் ஆதார் சேவா கேந்திராக்கள், ஆதார் தொடர்பான பல்வேறு சேவைகளையும் ஒரே இடத்தில் வழங்கும் மையங்களாக செயல்படுகின்றன.
வாரத்தின் 7 நாட்களும் செயல்படும்
இந்த ஆதார் சேவா கேந்திரா வாரத்தின் 7 நாட்களும் காலை 9.30 மணி முதல் மாலை 5.30 மணி வரை செயல்படும் என தெரிவிக்கப்பட்டுள்ளது.
பொதுமக்கள் முன்பதிவு செய்து சேவைகளைப் பெறலாம். இதற்காக UIDAI-யின் அதிகாரப்பூர்வ இணையதளத்தில் முன்பதிவு செய்யலாம் என மையத்தின் மேலாளர் பூபதி ராஜா தெரிவித்துள்ளார்.