‘ஜன் கவுஷல்’ தூதரான சஞ்சு சாம்சன்: டெல்லி முதல்வர் வாழ்த்து!

இந்திய கிரிக்கெட் வீரர் சஞ்சு சாம்சன், டெல்லி முதல்-மந்திரி ரேகா குப்தாவை சந்தித்தார்.

டெல்லி இளைஞர்களின் திறன் மேம்பாட்டை நோக்கமாகக் கொண்டு செயல்படுத்தப்படும் ‘ஜன் கவுஷல்’ திட்டத்தின் விளம்பர தூதராக சஞ்சு சாம்சன் நியமிக்கப்பட்டுள்ளார். இதையடுத்து, டெல்லி முதல்-மந்திரி ரேகா குப்தாவை சந்தித்த அவர், வாழ்த்துகளை பெற்றார்.

மோதி நகரில் செயல்படும் ஜன் கவுஷல் கேந்திராவின் விளம்பர தூதராக சஞ்சு சாம்சன் நியமிக்கப்பட்டுள்ளதாகவும், இந்த பொறுப்பின் மூலம் டெல்லி இளைஞர்களை திறன் மேம்பாடு, வாய்ப்புகள் மற்றும் சுயசார்பு நோக்கி ஊக்குவிப்பார் எனவும் தெரிவிக்கப்பட்டுள்ளது.

சஞ்சு சாம்சனுக்கு டெல்லியுடன் நீண்டகால தொடர்பு இருப்பதாகவும், அவர் தனது ஆரம்ப காலத்தை டெல்லியில் கழித்து, அங்கு கிரிக்கெட் பயணத்தை தொடங்கியதாகவும் முதல்-மந்திரி ரேகா குப்தா தெரிவித்துள்ளார்.