திருச்சி அப்பல்லோ மருத்துவமனையில் அதிநவீன நியூரோ நேவிகேஷன் சிஸ்டம் அறிமுகம்

திருச்சி அப்பல்லோ சிறப்பு மருத்துவமனையில், மூளை மற்றும் தண்டுவட அறுவை சிகிச்சைகளுக்கான அதிநவீன நியூரோ நேவிகேஷன் சிஸ்டம் (Neuro Navigation System) மற்றும் ஸ்ட்ரோக் கமாண்ட் சென்டர் அறிமுகப்படுத்தப்பட்டுள்ளன. இந்த தொழில்நுட்பம் ஜி.பி.எஸ். போன்று செயல்பட்டு, MRI மற்றும் CT ஸ்கேன் படங்களின் உதவியுடன் மிகத் துல்லியமான அறுவை சிகிச்சைகளை மேற்கொள்ள உதவுகிறது. இந்த வசதிகள் மூலம் மூளைக் கட்டி, மண்டையோட்டு அடிப்பகுதி மற்றும் தண்டுவட அறுவை சிகிச்சைகள் பாதுகாப்பாகவும் துல்லியமாகவும் மேற்கொள்ள முடியும். நரம்பியல் நோயாளிகளுக்கு விரைவான சிகிச்சை வழங்கும் நோக்கில் இந்த வசதி தொடங்கப்பட்டுள்ளதாக அப்பல்லோ மருத்துவமனை நிர்வாகம் தெரிவித்துள்ளது.