திருச்சியில் லயன்ஸ் கிளப் ஆஃப் திருச்சிராப்பள்ளி விஷன், லயன்ஸ் கிளப் ஆஃப் திருச்சிராப்பள்ளி மெட்ரோபாலிட்டன் மற்றும் ஸ்ரீ சக்ரா இயற்கை யோகா அக்குபஞ்சர் மருத்துவமனை சார்பில் இலவச இரத்த அழுத்த பரிசோதனை முகாம் நடைபெற்றது. மருத்துவமனை வளாகத்தில் நடைபெற்ற முகாமிற்கு லயன்ஸ் கிளப் நிர்வாகிகள் தலைமை வகித்தனர். நிகழ்ச்சியில் இரத்த அழுத்த பரிசோதனை முகாம் தொடங்கி வைக்கப்பட்டு, பொதுமக்களுக்கு இலவசமாக பரிசோதனை மேற்கொள்ளப்பட்டது. நிகழ்ச்சியில் பேசிய மருத்துவர் கௌதம், உயர் ரத்த அழுத்தம் குறித்து பொதுமக்களிடம் விழிப்புணர்வு ஏற்படுத்துவதன் அவசியத்தை வலியுறுத்தினார். கட்டுப்படுத்தப்படாத உயர் ரத்த அழுத்தம் எதிர்காலத்தில் பல்வேறு உடல்நலப் பாதிப்புகளை ஏற்படுத்தக்கூடும் என்பதால், தொடர்ந்து பரிசோதனை செய்து கொள்வதன் முக்கியத்துவம் குறித்தும் விளக்கினார்.
மேலும், தொடர்ந்து உயர் இரத்த அழுத்தம் உள்ளவர்களை கண்டறிந்து, அதனை கட்டுப்படுத்துவதற்கான தேவையான ஆலோசனைகளும் வழங்கப்பட்டன.