தமிழ்நாட்டில் தொழில் முதலீடுகளை அதிகரிக்கும் நோக்கில் லண்டன் சென்ற முதல்-அமைச்சர் விஜய், அங்கு மேற்கொள்ளப்பட்ட முதலீட்டு ஒப்பந்தங்களை செயல்படுத்துவது தொடர்பாக இன்று அமைச்சர்கள் மற்றும் அதிகாரிகளுடன் ஆலோசனை நடத்த உள்ளார்.
லண்டனில் ரூ.15,300 கோடி முதலீடுகள்
தொழில் முதலீடுகளை ஈர்ப்பதற்காக 6 நாள் பயணமாக லண்டன் சென்ற முதல்-அமைச்சர் விஜய், அங்கு பல்வேறு நிறுவனங்களுடன் முதலீடு தொடர்பான பேச்சுவார்த்தைகளை மேற்கொண்டார்.
செப்டம்பர் 14-ஆம் தேதி நடைபெற்ற நிகழ்வுகளில் வாகன உதிரிபாக உற்பத்தி, ஆராய்ச்சி மற்றும் மேம்பாடு, புதுப்பிக்கத்தக்க எரிசக்தி, மின்கட்டமைப்பு உபகரணங்கள் மற்றும் உலகளாவிய திறன் மையங்கள் உள்ளிட்ட துறைகளில் புரிந்துணர்வு ஒப்பந்தங்கள் மற்றும் முதலீட்டு உறுதிமொழிகள் மேற்கொள்ளப்பட்டதாக தெரிவிக்கப்பட்டுள்ளது.
இதன் மூலம் மொத்தம் ரூ.15,300 கோடி மதிப்பிலான முதலீடுகள் ஈர்க்கப்பட்டுள்ளதாகவும், 10 ஆயிரத்துக்கும் மேற்பட்ட நேரடி மற்றும் மறைமுக வேலைவாய்ப்புகளுக்கு வாய்ப்பு உருவாகும் என்றும் தெரிவிக்கப்பட்டுள்ளது.
முதலீட்டு திட்டங்களை செயல்படுத்த ஆலோசனை
லண்டன் பயணத்தை முடித்துவிட்டு சென்னை திரும்பியுள்ள முதல்-அமைச்சர் விஜய், அங்கு மேற்கொள்ளப்பட்ட முதலீட்டு ஒப்பந்தங்களை அடுத்தகட்டமாக செயல்படுத்துவது குறித்து இன்று அதிகாரிகளுடன் ஆலோசிக்கிறார்.
மேலும், வருகிற 22-ஆம் தேதி காலை உணவு திட்டத்தின் விரிவாக்கம் தொடர்பான பணிகள் குறித்தும், செப்டம்பர் 25-ஆம் தேதி தொடங்கப்பட உள்ள 'தாய்மாமன் தங்க மோதிரம்' திட்டத்திற்கான ஏற்பாடுகள் குறித்தும் ஆலோசனை நடைபெற உள்ளது.
அரசு மருத்துவமனைகளில் பிறக்கும் குழந்தைகளுக்கு ஒரு கிராம் தங்க மோதிரம் வழங்கும் வகையில் இந்த திட்டம் செயல்படுத்தப்பட உள்ளதாக தெரிவிக்கப்பட்டுள்ளது. திட்டத்தை தொடங்கி வைக்கும் இடம் மற்றும் அதற்கான நடைமுறைகள் குறித்தும் அதிகாரிகளுடன் ஆலோசனை மேற்கொள்ளப்பட உள்ளது.