திருப்பத்தூர் மாவட்ட ஆயுதப்படை மைதானத்தில் இன்று (நவம்பர் 14, 2026) ஆயுதப்படை காவலர்களுக்கான சிறப்பு கவாத்து அணிவகுப்பு மற்றும் ஆயுதங்களைச் சரியாகக் கையாளுதல் குறித்த பயிற்சிகள் நடைபெற்றன.
இப்பயிற்சி மற்றும் அணிவகுப்பினைத் திருப்பத்தூர் மாவட்ட காவல் கண்காணிப்பாளர் திரு. அக்க்ஷய் அனில் வாகரே, இ.கா.ப., அவர்கள் நேரில் பார்வையிட்டு கள ஆய்வு மேற்கொண்டார். தொடர்ந்து, காவலர்களின் அணிவகுப்பு ஒழுக்கம், உடல்தகுதி மற்றும் அவசர காலங்களில் ஆயுதங்களை விரைவாகவும் பாதுகாப்பாகவும் கையாளும் முறைகள் குறித்து அவர் ஆய்வு செய்தார்.
பின்னர் காவலர்களிடையே உரையாற்றிய மாவட்ட காவல் கண்காணிப்பாளர், பணி நேரத்தில் விழிப்புடன் செயல்படுவது, பொதுமக்களின் பாதுகாப்பை உறுதி செய்வது மற்றும் பணி ஒழுக்கத்தைக் கடைப்பிடிப்பது தொடர்பான முக்கிய அறிவுரைகளையும் வழிகாட்டல்களையும் வழங்கினார்.
இந்நிகழ்வின் போது ஆயுதப்படை காவல்துறை அதிகாரிகள் மற்றும் ஆயுதப்பிரிவு காவலர்கள் உள்ளிட்ட பலர் உடனிருந்தனர்.









