பஞ்சாபில் நடைபெற்ற தேசிய அளவிலான வளைப்பந்து போட்டியில் தமிழக அணி இரண்டாம் இடம் பிடித்த நிலையில், சாதனை படைத்து ஊர் திரும்பிய வாணியம்பாடி வீரர் திலீப்குமாருக்கு கிராம மக்கள் உற்சாக வரவேற்பளித்தனர்.
பஞ்சாப் மாநிலத்தில் நடைபெற்ற தேசிய வளைப்பந்து போட்டியில் பல்வேறு மாநிலங்களிலிருந்து 26 அணிகள் பங்கேற்றன. இதில் கலந்துகொண்ட தமிழக அணி இரண்டாம் இடத்தைப் பிடித்து ஒட்டுமொத்த சாம்பியன்ஷிப் போட்டியில் சாதனை படைத்தது.
இந்த அணியில் இடம்பெற்று விளையாடிய திருப்பத்தூர் மாவட்டம், வாணியம்பாடி அடுத்த வளையாம்பட்டு பகுதியைச் சேர்ந்த திலீப்குமார் மற்றும் பயிற்சியாளர்கள் இன்று ரயில் நிலையம் வந்தடைந்தனர். சாதனையுடன் திரும்பிய இளம் வீரருக்கு கிராம மக்கள் மேளதாளங்கள் முழங்க, மாலை அணிவித்து பிரம்மாண்ட வரவேற்பளித்தனர்.