விருதுநகரில் நவராத்திரி திருவிழாவின் பத்தாவது நாளான இன்று, ஆன்மீக பக்தி பரவசத்துடன் விஜயதசமி விழா மிகச் சிறப்பாகக் கொண்டாடப்பட்டது.விழாவின் முக்கிய நிகழ்வாக, ஸ்ரீ மீனாட்சி சொக்கநாதர் திருக்கோயிலில் சுவாமி சந்திரசேகர் வேடத்தில் சிறப்பு அலங்காரத்தில் தங்க குதிரையில் எழுந்தருளினார். அதனைத் தொடர்ந்து, வன்னி நந்தவனத்தில் வன்னி மரத்தை மங்கல வாத்தியங்கள் முழங்க வலம் வந்த சுவாமி, தீய சக்திகளையும் அசுரர்களையும் அழிக்கும் ஐதீகத்தின்படி நான்கு புறமும் அம்பு எய்து அசுரர்களை வீழ்த்தும் நிகழ்வு கோலாகலமாக நடைபெற்றது.
இந்த நிகழ்வின் மூலம் இந்த ஆண்டிற்கான நவராத்திரி திருவிழா கோலாகலமாக நிறைவுபெற்றது.