நாம் தமிழர் கட்சியின் மகளிர் பாசறை ஒருங்கிணைப்பாளர் கார்த்திகாவுக்கு தாராபுரம் நீதிமன்றம் ஜாமீன் வழங்கியதை அடுத்து, அவர் கோவை மத்திய சிறையில் இருந்து விடுவிக்கப்பட்டார்.
கடந்த தாராபுரம் சட்டமன்ற இடைத்தேர்தலில் நாம் தமிழர் கட்சி சார்பில் வேட்பாளராகக் களம் கண்டவர் கார்த்திகா. தேர்தல் பரப்புரையின் போது, முதலமைச்சர் குறித்து அவதூறாகப் பேசியதாகக் கூறப்படும் புகாரின் அடிப்படையில், கார்த்திகா உள்பட 9 பேர் மீது காவல்துறையினர் வழக்குப்பதிவு செய்தனர். தேர்தலுக்குப் பின்னர் கைது செய்யப்பட்ட கார்த்திகா, கோயம்புத்தூர் சிறையில் அடைக்கப்பட்டிருந்தார்.
இந்த வழக்கில் விசாரணைக்குப் பிறகு, தாராபுரம் நீதிமன்றம் கார்த்திகா உள்ளிட்ட 9 பேருக்கும் ஜாமீன் வழங்கி உத்தரவிட்டது. இதனையடுத்து, கோவை மத்திய சிறையில் இருந்து வெளியே வந்த கார்த்திகாவை நாம் தமிழர் கட்சித் தொண்டர்கள் மாலை அணிவித்து உற்சாகமாக வரவேற்றனர்.