வேலூர் இந்தியன் வங்கி ஊரக சுய வேலைவாய்ப்பு பயிற்சி நிறுவனத்தில், இருசக்கர வாகனம் மற்றும் செல்போன் பழுது நீக்குதல் பயிற்சிகளை வெற்றிகரமாக நிறைவு செய்த 70 பேருக்கு இலவச உபகரணங்கள் மற்றும் சான்றிதழ்கள் வழங்கும் விழா நடைபெற்றது.
வேலூர் மாவட்ட ஆட்சியரகத்தில் நடைபெற்ற இந்நிகழ்ச்சிக்கு மாவட்ட ஆட்சித்தலைவர் லீலா அலெக்ஸ் தலைமை தாங்கி, பயிற்சி முடித்த மாணவ, மாணவிகளுக்கு இலவச உபகரணப் பெட்டகங்கள் மற்றும் அரசு அங்கீகரிக்கப்பட்ட சான்றிதழ்களை வழங்கி சிறப்பித்தார்.
இந்த நிகழ்ச்சியில் மாவட்ட வருவாய் அலுவலர் சுரேஷ், மகளிர் திட்ட இயக்குநர் ஜெயசுதா, இந்தியன் வங்கியின் மண்டல மேலாளர் பாலசுப்ரமணியன், மாவட்ட முன்னோடி வங்கி மேலாளர் லில்லி பாய் உள்ளிட்ட பல்வேறு அரசு மற்றும் வங்கித்துறை உயர் அதிகாரிகள் பலர் உடனிருந்தனர்.