இந்திய எலக்ட்ரிக் இருசக்கர வாகன சந்தையில் சிம்பிள் எனர்ஜி நிறுவனத்தின் புதிய Simple Wave எலக்ட்ரிக் ஸ்கூட்டரின் வேரியண்ட் வாரியான விலை விவரங்கள் வெளியாகியுள்ளன. Wave S, Wave மற்றும் Wave+ என மூன்று முக்கிய மாடல்களில் மொத்தம் 6 வேரியண்ட்கள் வழங்கப்படுகின்றன. இவற்றின் விலை ரூ.1,09,999 முதல் ரூ.1,89,999 வரை நிர்ணயிக்கப்பட்டுள்ளது.
6 வேரியண்ட்களின் விலை விவரம்
வேரியண்ட்பேட்டரிIDC ரேஞ்ச்எக்ஸ்-ஷோரூம் விலை
- Wave S 2.2 EBN2.2 kWh110 கி.மீ.ரூ.1,09,999
- Wave S 2.7 EBN2.7 kWh132 கி.மீ.ரூ.1,39,999
- Wave S 2.7 TFT2.7 kWh132 கி.மீ.ரூ.1,49,999
- Wave 3.7 EBN3.7 kWh171 கி.மீ.ரூ.1,59,999
- Wave 3.7 TFT3.7 kWh171 கி.மீ.ரூ.1,74,999
- Wave+ 5 TFT5 kWh243 கி.மீ.ரூ.1,89,999
அடிப்படை Wave S மாடலில் 2.2 kWh பேட்டரி வழங்கப்பட்டுள்ள நிலையில், முழு சார்ஜில் 110 கி.மீ. வரை IDC ரேஞ்ச் கிடைக்கும் என நிறுவனம் தெரிவித்துள்ளது. 2.7 kWh மற்றும் 3.7 kWh பேட்டரி தேர்வுகளில் கூடுதல் ரேஞ்ச் மற்றும் வசதிகள் வழங்கப்பட்டுள்ளன.
இந்த ஸ்கூட்டரின் டாப் வேரியண்டான Wave+ 5 TFT மாடலில் 5 kWh பேட்டரி இடம்பெற்றுள்ளது. இது முழு சார்ஜில் அதிகபட்சமாக 243 கி.மீ. வரை செல்லும் என கூறப்படுகிறது. இதன் எக்ஸ்-ஷோரூம் விலை ரூ.1,89,999 ஆகும்.
EBN மற்றும் TFT டிஸ்ப்ளே தேர்வுகளுக்கு ஏற்பவும் விலை மாறுபடுகிறது. அதிக ரேஞ்ச் விரும்பும் வாடிக்கையாளர்களுக்கு 5 kWh பேட்டரி கொண்ட Wave+ மாடலும், குறைந்த பட்ஜெட்டில் வாங்க விரும்புவோருக்கு Wave S 2.2 மாடலும் தேர்வாக உள்ளன.
NCA பேட்டரி கொண்ட வேரியண்ட்களின் டெலிவரி செப்டம்பர் 25 முதல் தொடங்கும் எனவும், LFP பேட்டரி வேரியண்ட்களின் டெலிவரி அக்டோபர் முதல் வாரத்தில் தொடங்கும் எனவும் தெரிவிக்கப்பட்டுள்ளது.