நாமக்கல் சந்தைப்பேட்டை புதூர் பகுதியில் குடும்பத் தகராறு காரணமாக மனைவி மற்றும் மாமனாரை தாக்கிய கணவரை காவல்துறையினர் கைது செய்து சிறையில் அடைத்தனர்.
நாமக்கல் சந்தைப்பேட்டை புதூரைச் சேர்ந்தவர் செந்தில்குமார். இவரது மகள் பிரியதர்ஷினி (வயது 30). இவருக்கும், கிருஷ்ணகிரி மாவட்டம் ஓசூரைச் சேர்ந்த பரத் (30) என்பவருக்கும் கடந்த 3 ஆண்டுகளுக்கு முன்பு திருமணம் நடைபெற்றது. தம்பதியினருக்கு குழந்தைகள் இல்லை எனத் தெரிகிறது. ஓசூர் பத்தலப்பள்ளி மார்க்கெட்டில் பரத் கடை நடத்தி வருகிறார்.
இதற்கிடையே, கணவன் - மனைவி இடையே அடிக்கடி குடும்பத் பிரச்சினை ஏற்பட்டு வந்துள்ளது. இந்நிலையில், கடந்த 16-ஆம் தேதியன்று நாமக்கல்லுக்கு வந்திருந்த பிரியதர்ஷினி மற்றும் பரத் இடையே மீண்டும் தகராறு ஏற்பட்டுள்ளது. அப்போது ஆத்திரமடைந்த பரத், தனது மனைவி பிரியதர்ஷினியையும், மாமனார் செந்தில்குமாரையும் தாக்கியதாகக் கூறப்படுகிறது.
இதுகுறித்து பாதிக்கப்பட்ட பிரியதர்ஷினி நாமக்கல் காவல் நிலையத்தில் புகார் அளித்தார். புகாரின் பேரில் வழக்குப்பதிவு செய்த காவல்துறையினர் தீவிர விசாரணை நடத்தி, பரத்தைக் கைது செய்தனர். பின்னர் அவரை நீதிமன்றத்தில் ஆஜர்படுத்தி, நாமக்கல் கிளைச் சிறையில் அடைத்தனர்.









