வால்பாறை: கோவை மாவட்டம் வால்பாறை அடுத்த பெரியார் நகர் தேயிலைத் தோட்டப் பகுதியில் உலா வந்த கொம்பன் யானையை சுற்றுலாப் பயணிகள் மிகுந்த ஆர்வமுடன் கண்டு ரசித்தனர்.
வால்பாறை மற்றும் அதன் சுற்றுவட்டாரப் பகுதிகளில் வனவிலங்குகளின் நடமாட்டம் தொடர்ந்து அதிகரித்து வருகிறது. இந்நிலையில், பெரியார் நகரில் உள்ள 60 ஏக்கரா தேயிலைத் தோட்டப் பகுதியில் 'கொம்பன்' என்று அழைக்கப்படும் காட்டு யானை ஒன்று உலா வந்தது. அப்போது அந்த வழியாகச் சென்ற சுற்றுலாப் பயணிகள், மிடுக்காக நடந்து சென்ற அந்த யானையைக் கண்டு வியந்தனர்.
அடிபடா தூரத்தில் நின்று அச்சமின்றி அக்காட்சியைத் தங்களது செல்பேசிகளில் பதிவு செய்த சுற்றுலாப் பயணிகள், அதனை மகிழ்ச்சியோடு கண்டு கழித்தனர். வனவிலங்குகளின் நடமாட்டம் உள்ள பகுதிகளில் பொதுமக்கள் மற்றும் சுற்றுலாப் பயணிகள் மிகுந்த எச்சரிக்கையுடன் இருக்க வேண்டும் என வனத்துறையினர் தொடர்ச்சியாக எச்சரித்து வருவது குறிப்பிடத்தக்கது.









