கோபிசெட்டிபாளையம் மற்றும் அதன் சுற்றுவட்டாரப் பகுதிகளில் பெய்த கனமழை காரணமாக, வேதபாறை தடுப்பணை தனது முழு கொள்ளளவை எட்டி நிரம்பியுள்ளது. இதனால் அப்பகுதி விவசாயிகள் மகிழ்ச்சி அடைந்துள்ளனர்.
கடந்த இரண்டு ஆண்டுகளாக இப்பகுதிகளில் போதிய பருவமழை பெய்யாததால் கடுமையான வறட்சி நிலவி வந்தது. இந்நிலையில், வனப்பகுதியில் பெய்த கனமழையால் காட்டாறுகளில் திடீர் வெள்ளப்பெருக்கு ஏற்பட்டது. இந்த நீர் புதிதாகக் கட்டப்பட்ட வேதபாறை தடுப்பணையை முழுமையாக நிரப்பியது.
தடுப்பணை நிரம்பியதோடு ஓடைகளிலும் வெள்ளம் பெருக்கெடுத்து ஓடுகிறது. சில இடங்களில் மழைநீர் விவசாய நிலங்களைச் சூழ்ந்தாலும், இதனால் நிலத்தடி நீர்மட்டம் கணிசமாக உயரும் என்று எதிர்பார்க்கப்படுகிறது. நீண்ட நாட்களுக்குப் பிறகு தடுப்பணை நிரம்பியதை அப்பகுதி மக்களும் விவசாயிகளும் நேரில் பார்வையிட்டு மகிழ்ந்து வருகின்றனர்.