கரூர் மாவட்டம் கடவூர் மற்றும் அதன் சுற்றுவட்டாரப் பகுதிகளில் பெய்த கனமழையால், இடையபட்டி - பூஞ்சோலைப்பட்டி கிராமங்களை இணைக்கும் தரைப்பாலத்தில் காட்டாற்று வெள்ளம் பெருக்கெடுத்து ஓடுகிறது. இதனால் அப்பகுதி மக்கள் போக்குவரத்து பாதிக்கப்பட்டு கடும் சிரமத்திற்கு உள்ளாகியுள்ளனர்.
விவசாய நிலங்கள் பாதிப்பு:
காட்டாற்று வெள்ள நீர் முறையாக நீர்நிலைகளுக்குச் செல்ல வழிவகை செய்யப்படாததால், விளைநிலங்களுக்குள் வெள்ளம் புகுந்து பயிர்கள் சேதமடைந்துள்ளதாக விவசாயிகள் வேதனை தெரிவிக்கின்றனர். நீர் வீணாவதைத் தடுக்க, அப்பகுதியில் உள்ள குளங்களைத் தூர்வாரி, மழைநீரைச் சேமிக்க உரிய நடவடிக்கை எடுக்க வேண்டும் என மாவட்ட நிர்வாகத்திற்கு பொதுமக்கள் கோரிக்கை விடுத்துள்ளனர்.
இந்த வெள்ளக்காட்சியின் வீடியோக்கள் தற்போது சமூக வலைதளங்களில் வைரலாகி வருகின்றன.