திருவண்ணாமலை மாவட்டம், செய்யாறு காவல் நிலைய எல்லைக்குட்பட்ட பகுதியில் தடை செய்யப்பட்ட புகையிலைப் பொருட்கள் பதுக்கி விற்கப்படுவதாகக் கிடைத்த ரகசியத் தகவலை அடுத்து, காவல்துறையினர் தீவிர சோதனையில் ஈடுபட்டனர்.
இந்தச் சோதனையின்போது, விற்பனைக்காகப் பதுக்கி வைக்கப்பட்டிருந்த 10 கிலோ எடையுள்ள தடை செய்யப்பட்ட ஹான்ஸ் குட்கா பொருட்கள் பறிமுதல் செய்யப்பட்டன.
இந்தச் சம்பவம் தொடர்பாக ஒருவரைக் கைது செய்துள்ள காவல்துறையினர், அவரிடம் தொடர்ந்து விசாரணை நடத்தி வருகின்றனர்.