நாமக்கல் மாவட்டம் ராசிபுரம் அருகே உள்ள அளவாய்ப்பட்டியில் தனியார் திருமண மண்டபத்திற்குள் நள்ளிரவில் அத்துமீறி நுழைய முயன்ற இளைஞரை பொதுமக்கள் பிடித்துக் கட்டி வைத்த சம்பவம் அப்பகுதியில் பரபரப்பை ஏற்படுத்தியுள்ளது.
அளவாய்ப்பட்டி பகுதியில் உள்ள தனியார் திருமண மண்டபத்தில் பூப்பெய்தல் விழாவுக்கான சமையல் மற்றும் மேடை அலங்காரப் பணிகள் நடைபெற்று வந்தன. அப்போது அங்கு வந்த இளைஞர் ஒருவர் சமையலறைக்குச் சென்று குடிநீர் கேட்டு அருந்தியுள்ளார். பின்னர் அங்கிருந்து சென்ற அவர், நள்ளிரவில் மீண்டும் மண்டபத்திற்குள் புகுந்து சந்தேகத்திற்கு இடமின்றி சுற்றித் திரிந்துள்ளார்.
சத்தம் கேட்டு விழித்தெழுந்த பணியாளர்கள், அந்த இளைஞரைப் பிடித்து விசாரித்தனர். அவர் முன்னுக்குப் பின் முரணாகப் பதிலளித்ததால், சந்தேகமடைந்தவர்கள் அவரைத் தடுத்து நிறுத்தி மண்டபத்திலேயே கட்டி வைத்தனர்.
இதுகுறித்து தகவல் அறிந்ததும் வெண்ணந்தூர் போலீசார் நிகழ்விடத்திற்கு விரைந்து சென்று விசாரணை நடத்தினர். விசாரணையில், பிடிபட்டவர் வெண்ணந்தூர் ஒன்றியம் செம்மாண்டப்பட்டி பகுதியைச் சேர்ந்த ஆனந்த் (37) என்பது தெரியவந்தது. இச்சம்பவம் குறித்து போலீசார் தொடர்ந்து விசாரணை நடத்தி வருகின்றனர்.