விழுப்புரம் மாவட்டம், பானாம்பட்டு ஏரிக்கரையில் தொல்லியல் மற்றும் வரலாற்று ஆய்வாளர் இமானுவேல் தலைமையிலான குழுவினர் அண்மையில் கள ஆய்வு மேற்கொண்டனர். அப்போது ஏரிக்கரையில் அமைந்துள்ள வேப்பமரத்தின் அடியில், மண்ணில் பாதி புதைந்த நிலையில் பழமையான கல் சிற்பம் ஒன்று இருப்பது கண்டறியப்பட்டது.
இதனைத் தொடர்ந்து அந்தப் பகுதியை கவனமாக ஆய்வு செய்தபோது, பலகைக் கல்லில் புடைப்புச் சிற்பமாகச் செதுக்கப்பட்ட சுமார் 1,200 ஆண்டுகள் பழமையான பல்லவர் கால கொற்றவை சிற்பம் என்பது உறுதி செய்யப்பட்டுள்ளது. சுமார் இரண்டரை அடி உயரம் கொண்ட இந்தக் கொற்றவை சிற்பம், அழகிய முக அமைப்புடனும் எட்டு கரங்களுடனும் நேர்த்தியாகச் செதுக்கப்பட்டுள்ளது.
மேலும், சிற்பத்தின் தலையில் கரண்ட மகுடமும், இரு காதுகளிலும் பத்ரகுண்டலங்களும் அணிந்திருப்பது போன்ற நுணுக்கமான கலை வேலைப்பாடுகள் இதில் இடம்பெற்றுள்ளன.









