மயிலாடுதுறை மாவட்டத்தில் சம்பா நடவு பணிகள் தீவிரமடைந்துள்ள நிலையில், கஞ்சாநகரம் கிராமத்தில் விவசாயத் தொழிலாளர்கள் உற்சாகமாகப் பாடிக்கொண்டே நாற்று நடவு பணியில் ஈடுபட்டனர்.
மாவட்டத்தில் உள்ள பல்வேறு பகுதிகளில் தற்போது சம்பா சாகுபடி பணிகள் மும்முரமாக நடைபெற்று வருகின்றன. பெரும்பாலான விவசாயிகள் நவீன இயந்திர நடவு முறைக்கு மாறியுள்ள போதிலும், ஒரு சில விவசாயிகள் பாரம்பரிய முறைப்படி விவசாயத் தொழிலாளர்களைக் கொண்டு கை நடவுப் பணிகளைத் தொடர்ந்து மேற்கொண்டு வருகின்றனர்.
அதus வகையில், மயிலாடுதுறை மாவட்டம் கஞ்சாநகரம் கிராமத்தைச் சேர்ந்த கருணாகரன் என்பவரது வயலில், விவசாயத் தொழிலாளர்கள் கை முறையில் நெல் நடவு பணியில் ஈடுபட்டனர். நீண்ட நேரம் தொடரும் இத்தகைய கடினமான பணியில் களைப்பு தெரியாமல் இருப்பதற்காக, தொழிலாளர்கள் நாட்டுப்புறப் பாடல்களையும், திரை இசைப் பாடல்களையும் உற்சாகமாகப் பாடியவாறு நாற்று நட்டனர்.
பெண்களின் உரத்த குரலில் ஒலித்த இந்த கிராமியப் பாடல்களை அவ்வழியாக வாகனங்களில் சென்ற பொதுமக்களும், பயணிகளும் நின்று ரசித்துச் சென்றனர்.