அரியலூர் மாவட்டம் உடையார்பாளையம் தாண்டவன் ஏரிக்கரையில் அமைந்துள்ள அருள்மிகு ஸ்ரீ பெரியநாயகி அம்மன் கோயிலில் சாரதா நவராத்திரி திருவிழா கோலாகலமாகத் கொண்டாடப்பட்டு வருகிறது.
இவ்விழாவின் ஒரு பகுதியாக, கடந்த 26 நாட்களாக தினமும் மாலையில் அம்மனுக்கு சிறப்பு அபிஷேகங்களும் பூஜைகளும் நடத்தப்பட்டு வருகின்றன. ஒவ்வொரு நாளும் அம்மன் பல்வேறு சிறப்பு அலங்காரங்களில் வீதி உலா வந்து பக்தர்களுக்கு அருள்பாலித்து வருகிறார்.
இந்நிலையில், திருவிழாவின் முக்கிய நிகழ்வாக அம்மன் ஸ்ரீ அகத்திய முனிவர் அலங்காரத்தில் எழுந்தருளினார். தொடர்ந்து நடைபெற்ற சேஷ வாகன வீதி உலாவில் அம்மன் பவனி வந்து பக்தர்களுக்கு காட்சியளித்தார்.
இந்த வீதி உலாவின்போது பாரம்பரிய இசைக்கருவிகள் முழங்கின. மேலும், பக்தர்கள் சக்தி கரகம் ஏந்தியும், வண்ண விளக்குகளால் வீதிகள் அலங்கரிக்கப்பட்டும் கோலாகலமான ஆன்மீகச் சூழல் உருவாக்கப்பட்டது. இந்நிகழ்ச்சியில் திரளான பக்தர்கள் கலந்துகொண்டு ஸ்ரீ பெரியநாயகி அம்மனை தரிசித்து அருள் பெற்றனர்.