திருவண்ணாமலை அருணாச்சலேஸ்வரர் கோயிலில் கார்த்திகை தீபத் திருவிழாவை முன்னிட்டு மாபெரும் உழவாரப் பணி நடைபெற்றது. இதில் சென்னை, திருச்சி, தஞ்சாவூர் உள்ளிட்ட பல்வேறு மாவட்டங்களைச் சேர்ந்த 1,500-க்கும் மேற்பட்ட சிவனடியார்கள் மற்றும் தன்னார்வலர்கள் கலந்துகொண்டனர்.
கோயிலின் கருவறை, கோபுரங்கள், தங்க விமானம் மற்றும் பிரகாரங்கள் உள்ளிட்ட பகுதிகள் இவர்களால் சுத்தம் செய்யப்பட்டன. குறிப்பாக, தங்கக் கோபுரத்தை பக்தர்கள் பக்தி பரவசத்துடன் தூய்மைப்படுத்தினர். காலை முதல் மாலை வரை நடைபெற்ற இப்பணியில் பெண்கள் உள்பட ஏராளமானோர் ஆர்வமுடன் பங்கேற்றனர்.
இதனைத் தொடர்ந்து, கோயில் நிர்வாகத்தின் சார்பில் உழவாரப் பணியில் பங்கேற்ற அனைவருக்கும் அன்னதானம் வழங்கப்பட்டது.









