புதுக்கோட்டை மாவட்டம், அரிமளம் ஒன்றியம், கல்லூர் சுதந்திரபுரம் கிராமத்தில் தாயகம் திரும்பியோருக்காகக் கட்டப்பட்ட புதிய சமுதாயக் கூடம் திறக்கப்பட்டுள்ளது.
ரெப்கோ வங்கியின் தலைவர் வி. சந்தானம் மற்றும் ரெப்கோ ஹோம் பைனான்ஸ் தலைவர் தங்கராஜ் ஆகியோர், தாயகம் திரும்பியோரின் பங்குத் தொகையை வழங்கி தமிழக அரசுக்குக் கோரிக்கை விடுத்திருந்தனர். இதனை ஏற்று, தமிழக அரசுடன் இணைந்து 'நமக்கு நாமே' திட்டத்தின் கீழ் சுமார் ஒரு கோடி ரூபாய் மதிப்பில் இந்த சமுதாயக் கூடம் அமைக்கப்பட்டுள்ளது.
கடந்த 02.11.2026 அன்று காணொளிக் காட்சி மூலமாக தமிழக முதல்வர் மாண்புமிகு ஜோசப் விஜய் இதனைத் திறந்து வைத்தார். இதனைத் தொடர்ந்து, சுதந்திரபுரத்தில் ஊர் பொதுமக்கள் மற்றும் தாயகம் திரும்பியோர் முன்னிலையில் குத்துவிளக்கு ஏற்றும் நிகழ்வு நடைபெற்றது.
இந்த புதிய சமுதாயக் கூடமானது, கல்லூர் மற்றும் சுதந்திரபுரம் கிராமங்களில் வசிக்கும் தாயகம் திரும்பியோர் தங்களது இல்ல நிகழ்ச்சிகளுக்குப் பயன்படுத்திக்கொள்ள ஏதுவாக அமைந்துள்ளது என கிராம மக்கள் தெரிவித்துள்ளனர்.









