தமிழக அரசின் முதலமைச்சரின் விரிவான மருத்துவ காப்பீட்டுத் திட்டத்தின் (CMCHIS) ஆண்டு காப்பீட்டு வரம்பு ரூ.5 லட்சத்தில் இருந்து ரூ.25 லட்சமாக உயர்த்தப்படுகிறது என்று முதலமைச்சர் விஜய் சட்டப்பேரவையில் அறிவித்தார்.
சட்டப்பேரவையில் சுகாதாரத் துறை தொடர்பான முக்கிய அறிவிப்புகளை வெளியிட்ட முதலமைச்சர், உயர் செலவிலான மருத்துவ சிகிச்சைகளால் குடும்பங்கள் பொருளாதார சுமையை சந்திக்க வேண்டிய நிலையை தவிர்க்கும் நோக்கில் இந்த வரம்பு உயர்வு அமல்படுத்தப்படுவதாக தெரிவித்தார்.
இந்த திட்டத்தின் கீழ் அரசு மற்றும் ஒப்பந்தம் செய்யப்பட்ட தனியார் மருத்துவமனைகளில் தகுதியுடைய பயனாளிகள் பணமில்லா (Cashless) சிகிச்சையை பெற முடியும். கல்லீரல், இதயம், சிறுநீரகம், புற்றுநோய் உள்ளிட்ட உயர்செலவு சிகிச்சைகளுக்கும் புதிய காப்பீட்டு வரம்பு உதவியாக இருக்கும் என அரசு தரப்பில் கூறப்பட்டுள்ளது.
மேலும், 70 வயது மற்றும் அதற்கு மேற்பட்ட அனைத்து மூத்த குடிமக்களுக்கும் வருமான வரம்பின்றி இலவச மருத்துவ காப்பீட்டு திட்டம் விரிவுபடுத்தப்படுவதாகவும், சுமார் 38 லட்சம் முதியவர்கள் இதன் மூலம் பயனடைவார்கள் என்றும் அறிவிக்கப்பட்டுள்ளது.
இந்த அறிவிப்பு தமிழகத்தின் மிகப்பெரிய சுகாதார நலத் திட்டங்களில் ஒன்றாகக் கருதப்படுவதுடன், மாநில மக்களுக்கு தரமான மருத்துவ சேவையை எளிதாகக் கிடைக்கச் செய்யும் முக்கிய நடவடிக்கையாக பார்க்கப்படுகிறது.