விழுப்புரம் மாவட்டம் வல்லம் ஊராட்சி ஒன்றியத்திற்குட்பட்ட மேல்சித்தாமூர் பார்சுவநாதர் அரசினர் மேல்நிலைப்பள்ளியில், மாணவர்களுக்கு வழங்கப்படும் மதிய உணவின் தரம் குறித்து மாவட்ட ஆட்சித்தலைவர் ஷேக் அப்துல் ரஹ்மான் நேரில் பார்வையிட்டு ஆய்வு மேற்கொண்டார்.
இந்த ஆய்வின்போது, சமைக்கப்படும் உணவின் தரம், சமையல் கூடம் மற்றும் உணவுப் பொருட்கள் சேமிக்கப்படும் அறை ஆகியவற்றின் தூய்மை ஆகியவற்றை அவர் ஆய்வு செய்தார். மேலும், மாணவர்களுக்கு வழங்கப்பட்ட உணவைச் சுவைத்து அதன் தரத்தை அவர் நேரில் உறுதிப்படுத்தினார்.
இந்த ஆய்வின் போது மாவட்ட முதன்மைக் கல்வி அலுவலர் பாலமுரளி உள்ளிட்ட பல்வேறு துறை சார்ந்த அரசு அலுவலர்கள் உடனிருந்தனர்.









