ரயில் நிலையத்தில் புகையிலை, பான் மசாலா பறிமுதல்! ரூ.25,000 அபராதம்!

விருதுநகர் ரயில் நிலையம் காவல் துறையினர் மேற்கொண்ட சோதனையில், அரசால் தடை செய்யப்பட்ட புகையிலை மற்றும் பான் மசாலா பொருட்களை ரயிலில் கடத்தி வந்த ஒடிசா மாநிலத்தைச் சேர்ந்த சாகர் (42) என்பவரிடமிருந்து 1.700 கிலோ எடையுள்ள பொருட்கள் பறிமுதல் செய்யப்பட்டன. சென்னை - குருவாயூர் எக்ஸ்பிரஸ் முன்பதிவு செய்யப்படாத பெட்டியில் கொண்டுவரப்பட்ட இந்தப் பொருட்கள் மாவட்ட உணவு பாதுகாப்பு அலுவலரிடம் ஒப்படைக்கப்பட்டு, சம்பந்தப்பட்ட நபருக்கு ரூ.25,000 அபராதம் விதிக்கப்பட்டது. மேலும் சாகரிடம் விசாரணை மேற்கொள்ளப்பட்டு வருகிறது.