திருச்சி சர்வதேச விமான நிலையத்தில் கோலாலம்பூரில் இருந்து வந்த தம்பதியிடமிருந்து ரூ.2.26 கோடி மதிப்புள்ள 1,600 கிராம் தங்கத்தை சுங்கத்துறை அதிகாரிகள் பறிமுதல் செய்துள்ளனர்.
மலபார் மற்றும் வெளிநாடுகளில் இருந்து திருச்சி விமான நிலையத்திற்கு இயக்கப்படும் விமானங்களில் தங்கம் கடத்தப்படுவது தொடர்கதையாகியுள்ள நிலையில், வான் நுண்ணறிவு பிரிவு அதிகாரிகள் தீவிர சோதனையில் ஈடுபட்டு வருகின்றனர். அதன்படி, கோலாலம்பூரில் இருந்து ஏர் ஏசியா விமானம் மூலம் திருச்சி வந்த பயணிகளை அதிகாரிகள் சோதனையிட்டனர்.
அப்போது சந்தேகத்திற்கிடமான முறையில் பயணித்த ஒரு தம்பதியினர், தங்களது உள்ளாடை மற்றும் கைப்பையில் (ஹேண்ட் பேக்) தங்க நகைகளை மறைத்து கடத்தி வந்தது கண்டறியப்பட்டது. அவர்களிடம் இருந்து மொத்தம் 1,600 கிராம் தங்கம் பறிமுதல் செய்யப்பட்டது. சர்வதேச சந்தை மதிப்பின்படி இதன் மதிப்பு ரூ.2.26 கோடி ஆகும்.
இதனைத் தொடர்ந்து, கடத்தல் தங்கத்தை பறிமுதல் செய்த அதிகாரிகள் தம்பதியைக் கைது செய்து, இச்சம்பவம் குறித்து தீவிர விசாரணை நடத்தி வருகின்றனர்.