தனலட்சுமி சீனிவாசன் பல்கலைக்கழக வேந்தர் அ.சீனிவாசனின் 81-வது பிறந்தநாள் விழா கோலாகலம்!

தமிழக கல்வித்துறையில் முக்கியப் பங்காற்றி வரும் தனலட்சுமி சீனிவாசன் பல்கலைக்கழகத்தின் வேந்தர் திரு. அ. சீனிவாசன் அவர்களின் 81-வது பிறந்தநாள் மற்றும் நிறுவனர் தின விழா பெரம்பலூரில் உள்ள பல்கலைக்கழக வளாகத்தில் கோலாகலமாகக் கொண்டாடப்பட்டது. விழாவின் ஒரு பகுதியாக, தனலட்சுமி சீனிவாசன் இன்ஸ்டிடியூட் ஆஃப் மெடிக்கல் சயின்சஸ் அண்ட் ஹாஸ்பிட்டல் வளாகத்தில் நவீன கருத்தரித்தல் மையம் திறக்கப்பட்டது. குழந்தைப்பேறு தொடர்பான மருத்துவச் சேவைகளை நவீன வசதிகளுடன் பொதுமக்களுக்கு அருகில் வழங்கும் நோக்கில் இந்த மையம் உருவாக்கப்பட்டுள்ளது. கடந்த 1994-ம் ஆண்டு பெரம்பலூரில் தனது முதல் கல்வி நிறுவனத்தைத் தொடங்கிய திரு. அ. சீனிவாசன், பொறியியல், மருத்துவம், சட்டம், வேளாண்மை உள்ளிட்ட பல்வேறு துறைகளைச் சார்ந்த கல்வி நிறுவனங்களை வெற்றிகரமாக நிறுவியுள்ளார். இந்நிகழ்வை முன்னிட்டு பெரம்பலூர், சிறுவாச்சூர் மற்றும் சமயபுரம் பகுதிகளில் பொதுமக்களுக்கு இலவச சிறப்பு மருத்துவ முகாம்கள் நடத்தப்பட்டன. மேலும், சுற்றுச்சூழல் பாதுகாப்பை வலியுறுத்தும் வகையில் பல்கலைக்கழக வளாகத்தில் மரக்கன்றுகள் நடப்பட்டன. விழாவில் பல்கலைக்கழகத்தின் சார்பில் 30,000 மாணவர்களுக்கு அறுசுவை விருந்து வழங்கப்பட்டது. இந்த விழாவில் அரசு அதிகாரிகள், அரசியல் பிரமுகர்கள், கல்வி நிறுவனங்களின் தலைவர்கள் மற்றும் 50,000-க்கும் மேற்பட்டோர் கலந்து கொண்டனர்.