அன்புமணி ராமதாஸ் பிறந்தநாள்: ஆண்டிமடத்தில் சிறப்பு மருத்துவ முகாம்

அன்புமணி ராமதாஸ் பிறந்தநாள்: ஆண்டிமடத்தில் சிறப்பு மருத்துவ முகாம்! டாக்டர் அன்புமணி ராமதாஸின் பிறந்தநாளை முன்னிட்டு, அரியலூர் மாவட்டம் ஆண்டிமடத்தில் சிறப்பு மருத்துவ முகாம் நடைபெற்றது. ஜெயங்கொண்டம் சட்டமன்ற உறுப்பினரும், பாட்டாளி மக்கள் கட்சியின் இணைப் பொதுச்செயலாளருமான வைத்தி, மருத்துவ முகாமைத் தொடங்கி வைத்தார். இந்த முகாமில் கண் மருத்துவம், காது, மூக்கு, தொண்டை மருத்துவம், குழந்தைகள் நல மருத்துவம், தோல் மருத்துவம் உள்ளிட்ட பல்வேறு மருத்துவப் பிரிவுகளைச் சேர்ந்த மருத்துவர்கள் பங்கேற்று, பொதுமக்களுக்குப் பரிசோதனைகளை மேற்கொண்டனர். முகாமில் கலந்துகொண்ட பொதுமக்களுக்கு மரக்கன்றுகளும் வழங்கப்பட்டன. டாக்டர் அன்புமணி ராமதாஸின் பிறந்தநாளை முன்னிட்டு, தமிழகம் முழுவதும் பல்வேறு நலத்திட்ட நிகழ்ச்சிகள் நடைபெற்று வருகின்றன. இதன் ஒரு பகுதியாக, ஜெயங்கொண்டம் சட்டமன்றத் தொகுதிக்கு உட்பட்ட மூன்று இடங்களில் மருத்துவ முகாம்கள் நடத்தப்பட்டு வருகின்றன. இந்த முகாம்களில் பங்கேற்போருக்கு மரக்கன்றுகளும் வழங்கப்படுகின்றன. இந்த நிகழ்வில் ஆண்டிமடம் ஒன்றியச் செயலாளர்கள் தங்கராசு, ராமச்சந்திரன், ராமநாதன், மாவட்டத் துணைச் செயலாளர் ராசு உள்ளிட்ட பாட்டாளி மக்கள் கட்சி நிர்வாகிகள் கலந்துகொண்டனர். பேட்டி: வைத்தி, ஜெயங்கொண்டம் சட்டமன்ற உறுப்பினர் மற்றும் பாமக இணைப் பொதுச்செயலாளர்.