காஃபி வித் கரண் சீசன் 9-ல் விஜய் தேவரகொண்டா, ராஷ்மிகா.

பிரபல பாலிவுட் இயக்குநரும் தொகுப்பாளருமான கரண் ஜோஹர் தொகுத்து வழங்கும் ‘Koffee with Karan’ நிகழ்ச்சியின் 9-வது சீசன் இறுதி சீசனாக அமைய உள்ளது. இதற்கிடையே, இந்த சீசனில் நடிகர் விஜய் தேவரகொண்டா மற்றும் நடிகை ராஷ்மிகா மந்தனா இருவரும் இணைந்து பங்கேற்க உள்ளதாக தகவல்கள் வெளியாகி வருகின்றன.

இறுதி சீசனாகும் ‘Koffee with Karan’

2004-ம் ஆண்டு தொடங்கப்பட்ட ‘Koffee with Karan’ நிகழ்ச்சி இதுவரை 8 சீசன்களையும் 161 எபிசோட்களையும் கடந்துள்ளது. தற்போது 9-வது சீசன் வெளியாக உள்ள நிலையில், இதுவே நிகழ்ச்சியின் இறுதி சீசன் என கரண் ஜோஹர் அறிவித்துள்ளார். ‘Koffee with Karan’ நிகழ்ச்சியின் 9-வது சீசன் அக்டோபர் 14-ம் தேதி JioHotstar தளத்தில் ஸ்ட்ரீமிங் செய்யப்பட உள்ளது.

விஜய்-ராஷ்மிகா இணைந்து பங்கேற்பார்களா?

இந்நிலையில், இறுதி சீசனில் விஜய் தேவரகொண்டா மற்றும் ராஷ்மிகா மந்தனா இருவரும் ஒரே நிகழ்ச்சியில் பங்கேற்க உள்ளதாக சமூக வலைதளங்களில் தகவல்கள் பரவி வருகின்றன. சமீபத்தில் வெளியாகியுள்ள சில ஊடகச் செய்திகளில், ‘Koffee with Karan 9’ நிகழ்ச்சிக்கான உறுதிப்படுத்தப்படாத விருந்தினர் பட்டியலில் விஜய் தேவரகொண்டா மற்றும் ராஷ்மிகா மந்தனா பெயர்கள் இடம்பெற்றுள்ளதாக தெரிவிக்கப்பட்டுள்ளது. ஆனால், நிகழ்ச்சியின் தயாரிப்பாளர்கள் இதுவரை முழுமையான விருந்தினர் பட்டியலை அதிகாரப்பூர்வமாக வெளியிடவில்லை. எனவே விஜய்-ராஷ்மிகா இருவரும் நிச்சயமாக நிகழ்ச்சியில் பங்கேற்பார்கள் என்பதை தற்போதைய நிலையில் உறுதி செய்ய முடியாது.

ரசிகர்கள் மத்தியில் எதிர்பார்ப்பு

விஜய் தேவரகொண்டா - ராஷ்மிகா மந்தனா இணைந்து நிகழ்ச்சியில் பங்கேற்க உள்ளதாக வெளியாகியுள்ள தகவல் ரசிகர்கள் மத்தியில் எதிர்பார்ப்பை ஏற்படுத்தியுள்ளது. இறுதி சீசனின் அதிகாரப்பூர்வ விருந்தினர் பட்டியல் வெளியான பிறகே இது குறித்த முழுமையான தகவல் தெரியவரும்.