கும்மிடிப்பூண்டி அடுத்த பூபாள நகரில் உள்ள தனியார் தொழிற்சாலை பெண் ஊழியர் லட்சுமிபதி (34) என்பவரது வீட்டில் பூட்டை உடைத்து 7 பவுன் நகை மற்றும் ரூ.1,10,000 ரொக்கம் திருடப்பட்டுள்ளது.
லட்சுமிபதியின் வீட்டில் யாரும் இல்லாத நேரத்தில் மர்மக் கும்பல் நுழைந்து, அங்கிருந்த 4 பீரோக்களை உடைத்து 7 பவுன் நகைகள், 1 கிலோ வெள்ளிப் பொருட்கள் மற்றும் ரூ.1,10,000 ரொக்கப் பணத்தை கொள்ளையடித்துச் சென்றுள்ளது. இந்தச் சம்பவம் குறித்து தகவல் அறிந்த கும்மிடிப்பூண்டி போலீசார், கைரேகை நிபுணர்களை வரவழைத்தும், மோப்ப நாய் உதவியோடும், அப்பகுதியிலுள்ள கண்காணிப்பு கேமிரா காட்சிகளைக் கைப்பற்றியும் தீவிர விசாரணை நடத்தி வருகின்றனர்.