தொடரும் தொழில்நுட்பக் கோளாறு: தூத்துக்குடியில் ஸ்தம்பித்த பத்திரப்பதிவு பணிகள்!

தூத்துக்குடி மாவட்டத்தில் 'ஸ்டார் 2.0' (STAR 2.0) இணையதளத்தில் ஏற்பட்டுள்ள தொழில்நுட்பக் கோளாறு காரணமாக, கடந்த 5 நாட்களாகப் பத்திரப்பதிவு பணிகள் முழுமையாக முடங்கியுள்ளன.

பொதுமக்கள் மற்றும் ஆவண எழுத்தர்கள் தெரிவித்துள்ள தகவலின்படி, பொதுப்பணித்துறை (PWD) மதிப்பீட்டிற்குப் பிறகு அடுத்த கட்ட நடவடிக்கைகளுக்குச் செல்ல முடியாத சூழல் ஏற்பட்டுள்ளது. இதனால், புதிய நிலம் மற்றும் சொத்து ஆவணங்களைப் பதிவு செய்ய முடியாமல் பொதுமக்கள் மற்றும் வழக்கறிஞர்கள் மிகுந்த அவதிக்குள்ளாகியுள்ளதாகக் குறிப்பிட்டுள்ளனர்.

இந்தத் தொழில்நுட்பத் தடையால் பொதுமக்களின் அவசரப் பணிகளுடன், அரசுக்கும் கணிசமான அளவில் வருவாய் இழப்பு ஏற்பட்டு வருவதாகத் தெரியவந்துள்ளது. எனவே, சம்பந்தப்பட்ட துறையினர் உடனடியாகத் தலையிட்டு இந்த இணையதளக் கோளாட்டைச் சரிசெய்ய வேண்டும் என்று கோரிக்கைகள் வலுத்து வருகின்றன.