பழைய ஓய்வூதியத் திட்டம் கோரி விருதுநகரில் கொதித்தெழுந்த அரசு ஊழியர்கள்!

விருதுநகரில் பழைய ஓய்வூதியத் திட்டம் உள்ளிட்ட பல்வேறு கோரிக்கைகளை வலியுறுத்தி, தமிழ்நாடு அரசு ஊழியர் சங்கம் சார்பில் தர்ணா போராட்டம் நடைபெற்றது.

விருதுநகர் மாவட்ட ஆட்சியர் அலுவலகம் முன்பு நடைபெற்ற இந்த ஆர்ப்பாட்டத்திற்கு, மாவட்டத் தலைவர் பாண்டித்துரை தலைமை தாங்கினார். இதில் ஏராளமான அரசு ஊழியர்கள் கலந்து கொண்டு தமிழக அரசுக்கு எதிராகக் கண்டன முழக்கங்களை எழுப்பினர்.

• பங்களிப்பு ஓய்வூதியத் திட்டத்தைக் கைவிட்டு, பழைய ஓய்வூதியத் திட்டத்தை உடனடியாக அமல்படுத்த வேண்டும்.
• சத்துணவு ஊழியர்கள், ஊராட்சி செயலாளர்கள் மற்றும் செவிலியர்களுக்கு காலமுறை ஊதியம் வழங்கி பணி நிரந்தரம் செய்ய வேண்டும்.
• அரசு காலிப் பணியிடங்களை உடனடியாக நிரப்புவதுடன், ஒப்பந்த முறையைத் தவிர்க்க வேண்டும்.
• கருணை அடிப்படையிலான பணி நியமன வரம்பை மீண்டும் 25 சதவீதமாக உயர்த்த வேண்டும்.
• புதிய மருத்துவக் காப்பீட்டுத் திட்டத்தை அரசே நேரடியாக நடத்த வேண்டும்.

இத்தகைய கோரிக்கைகளை வலியுறுத்தி நடைபெற்ற இந்த தர்ணா போராட்டத்தில் பல்வேறு துறைகளைச் சேர்ந்த அரசு ஊழியர்கள் கலந்துகொண்டனர்.