விருதுநகர் மாவட்டம், சிவகாசி அருகே உள்ள மம்சாபுரம் பகுதியில் இயங்கிவரும் தனியார் பட்டாசு ஆலையில் ஏற்பட்ட திடீர் வெடிவிபத்தில் தொழிலாளர்கள் அனைவரும் அதிர்ஷ்டவசமாக உயிர் தப்பினர்.
பட்டாசு தயாரிப்பின் போது ஏற்பட்ட உராய்வு காரணமாக இந்த விபத்து நேரிட்டதாக முதற்கட்ட விசாரணையில் தெரியவந்துள்ளது. விபத்து நிகழ்ந்தவுடன் ஆலையில் பணியாற்றிய தொழிலாளர்கள் உடனடியாக வெளியேறியதால் பெரும் உயிரிழப்பு தவிர்க்கப்பட்டது.
சம்பவம் குறித்துத் தகவல் அறிந்த சிவகாசி தீயணைப்புத் துறையினரும், காவல்துறையினரும் விரைந்து வந்து மீட்புப் பணிகளில் ஈடுபட்டனர். மேலும், விபத்துக்கான காரணம் குறித்து காவல்துறையினர் தீவிர விசாரணை நடத்தி வருகின்றனர்.