சீனாவில் வெளியான ‘நியூ லாய்’ (Niu Lai / The Cow Is Coming) என்ற குறைந்த பட்ஜெட் அனிமேஷன் திரைப்படம், ஆரம்பத்தில் “மிக மோசமான அனிமேஷன்” என சமூக வலைதளங்களில் கடுமையாக விமர்சிக்கப்பட்டது. ஆனால் அதே கிண்டலே படத்திற்கு எதிர்பாராத விளம்பரமாக மாறி, தற்போது சீன பாக்ஸ் ஆபிஸில் பெரிய வெற்றியைப் பதிவு செய்துள்ளது.
தாயும் மகனும் இணைந்து சுமார் ஐந்து ஆண்டுகள் உழைத்து உருவாக்கிய இந்த 86 நிமிட திரைப்படம், தொடக்க 10 நாட்களில் மிகக் குறைந்த வசூலையே ஈட்டியது. பின்னர் வைரலான மீம்கள் மற்றும் விமர்சன வீடியோக்களால் மக்கள் ஆர்வத்துடன் திரையரங்குகளுக்கு சென்று பார்க்கத் தொடங்கியதால் வசூல் பல மடங்கு உயர்ந்தது.
தற்போது நியூ லாய், சீன தினசரி வசூல் பட்டியலில் Spider-Man: Brand New Day மற்றும் The Odyssey போன்ற ஹாலிவுட் படங்களுடன் போட்டியிட்டு, சில நாட்களில் அவற்றை முந்தியும் சாதனை படைத்துள்ளது.