நடிகரும் இசையமைப்பாளருமான ஜி.வி.பிரகாஷ் குமார் கதாநாயகனாக நடிக்கும் புதிய திரைப்படமான ‘நிஞ்சா’ படத்தின் படப்பிடிப்பு இன்று தஞ்சாவூரில் தொடங்கியது. இயக்குநர் முருகு இயக்கும் இப்படத்தின் தொடக்க விழா, தஞ்சாவூரில் உள்ள ஸ்ரீபதி சினிமாஸ் வளாகத்தில் சிறப்பு பூஜையுடன் நடைபெற்றது.
இந்தப் படத்தில் ஜி.வி.பிரகாஷ் குமாருக்கு ஜோடியாக பிரார்த்தனா நாதன் நடிக்கிறார். இப்படத்திற்கு ஷான் ரோல்டன் இசையமைக்கிறார். முன்னதாக இசையமைப்பாளராக அறிவிக்கப்பட்டிருந்த ஜி.வி.பிரகாஷ், தற்போது கதாநாயகனாக நடிப்பதால் இசையமைக்கும் பொறுப்பு ஷான் ரோல்டனிடம் வழங்கப்பட்டுள்ளது.
‘நிஞ்சா’ திரைப்படத்தின் முதற்கட்ட படப்பிடிப்பு தஞ்சாவூர் மற்றும் சுற்றுவட்டாரப் பகுதிகளில் நடைபெற உள்ளது. முதல் கட்ட படப்பிடிப்பு சுமார் 20 நாட்கள் நடைபெறும் என படக்குழுவைச் சேர்ந்தவர்கள் தெரிவித்துள்ளனர்.
இப்படத்தை சோல்ஜர்ஸ் ஃபேக்டரி மற்றும் Learn and Teach Productions நிறுவனங்கள் இணைந்து தயாரிக்கின்றன. திரைப்படம் அடுத்த ஆண்டு, அதாவது 2027-ல் வெளியாகும் என எதிர்பார்க்கப்படுகிறது.