திருவண்ணாமலை அருள்மிகு அண்ணாமலையார் திருக்கோவிலில் நடைபெறவுள்ள கார்த்திகை தீபத் திருவிழாவிற்கான அழைப்பிதழ் வெளியீட்டு நிகழ்வு, கோவில் வளாகத்தில் உள்ள சம்பந்த விநாயகர் சன்னிதானத்தில் நடைபெற்றது.
இந்த நிகழ்வை முன்னிட்டு, கோவில் நிர்வாகம் சார்பில் சிறப்பு பூஜைகள் மற்றும் வழிபாடுகள் மேற்கொள்ளப்பட்டன. இதில் கோவில் இணை ஆணையர், துணை ஆணையர் உள்ளிட்ட உயர் அதிகாரிகள் மற்றும் கோவில் பணியாளர்கள் கலந்துகொண்டு வழிபாடு நடத்தினர்.
உலகப்புகழ் பெற்ற திருவண்ணாமலை கார்த்திகை தீபத் திருவிழா, வரும் நாட்களில் கோலாகலமாகத் தொடங்கவுள்ள நிலையில், அதற்கான முன்னேற்பாட்டுப் பணிகள் தீவிரமாக நடைபெற்று வருகின்றன.