திருவண்ணாமலை மாவட்டம், ஆரணி நகராட்சிக்கு உட்பட்ட பாஸ்கர் நகர் பகுதியில் தேங்கியுள்ள மழைநீரை அகற்றும் பணிகளை மாவட்ட ஆட்சியர் வந்தனா கார்க் நேரில் பார்வையிட்டு ஆய்வு செய்தார்.
தொடர் மழையினால் குடியிருப்புப் பகுதிகள் மற்றும் சாலைகளில் தேங்கியுள்ள நீரை விரைந்து வெளியேற்றவும், பொதுமக்களுக்குத் தேவையான அடிப்படை வசதிகளை உறுதி செய்யவும் அதிகாரிகளுக்கு அவர் அறிவுறுத்தினார்.
இந்த ஆய்வின் போது, வருவாய் கோட்டாட்சியர் சிவா, ஆரணி நகர மன்றத் தலைவர் ஏ.சி.மணி, நகராட்சி ஆணையாளர் என்.டி.வேலவன் உள்ளிட்ட அரசுத் துறை அதிகாரிகள் உடனிருந்தனர்.