விருதுநகர் மாவட்டம், சாத்தூரில் உள்ள ஸ்ரீ எஸ்.ராமசாமி நாயுடு நினைவு கல்லூரியில் வரும் 16.10.2026 அன்று தனியார்துறை வேலைவாய்ப்பு முகாம் நடைபெற உள்ளதாக மாவட்ட ஆட்சித்தலைவர் ஷரண்யா அறி தெரிவித்துள்ளார். இந்த வாய்ப்பினை வேலைநாடுநர்கள் பயன்படுத்திக்கொள்ளுமாறு அவர் கேட்டுக்கொண்டுள்ளார்.
விருதுநகர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் சார்பில் வேலைவாய்ப்பற்ற இளைஞர்களின் நலனுக்காக மாதாந்திர தனியார்துறை வேலைவாய்ப்பு முகாம்கள் நடத்தப்பட்டு வருகின்றன. அதற்கமைய, எதிர்வரும் 16.10.2026 வெள்ளிக்கிழமை அன்று காலை 10.00 மணி முதல் பிற்பகல் 03.00 மணி வரை சாத்தூர் ஸ்ரீ எஸ்.ராமசாமி நாயுடு நினைவு கல்லூரியில் இம்முகாம் நடைபெறவுள்ளது.
இம்முகாமில் அடையார் ஆனந்த பவன், அபிஸ் ஃபுட்ஸ் அண்ட் புரோட்டின்ஸ் பிரைவேட் லிமிடெட், ஸ்ரீ ராம் மோட்டார்ஸ், பெஸ்ட் மணி கோல்ட் பிரைவேட் லிமிடெட், ஃப்ளேர்மேக்செல் உள்ளிட்ட 20-க்கும் மேற்பட்ட பிரபல முன்னணி நிறுவனங்கள் கலந்துகொள்ளவுள்ளன. இக்குழு நிறுவனங்கள் 8-ஆம் வகுப்பு தேர்ச்சி முதல் பட்டப்படிப்பு, தொழிற்படிப்பு, டிப்ளமோ மற்றும் பொறியியல் படிப்பு உள்ளிட்ட பல்வேறு கல்வித் தகுதிகளுடைய நபர்களைத் பணியமர்த்தத் தேர்வு செய்யவுள்ளன.
இம்முகாமில் கலந்துகொள்ள விரும்பும் வேலைநாடுநர்கள், முகாமில் பங்கேற்பதற்கு முன்பாக www.tnprivatejobs.tn.gov.in என்ற தனியார்துறை வேலைவாய்ப்பு இணையதளத்தில் தங்களது சுயவிவரங்களைப் பதிவு செய்ய வேண்டும். மேலும், சுயவிவரச் சான்றிதழ், அனைத்துக் கல்விச் சான்றிதழ்கள் மற்றும் ஆதார் அட்டை நகல் ஆகியவற்றுடன் முகாமில் கலந்துகொள்ள வேண்டும். இச்சேவையானது முற்றிலும் கட்டணமின்றி வழங்கப்படுகிறது.
மேலும், இம்முகாமில் கலந்துகொள்ள விரும்பும் தனியார் துறை நிறுவனங்கள் விருதுநகர் மாவட்ட வேலைவாய்ப்பு அலுவலகத்தை நேரில் தொடர்பு கொள்ளலாம் அல்லது மாவட்ட வேலைவாய்ப்பு அலுவலரை 9360171161 என்ற தொலைபேசி எண் ஊடாகவும் தொடர்பு கொள்ளுமாறு கேட்டுக்கொள்ளப்படுகின்றனர். இம்முகாமின் மூலம் பணிநியமனம் பெறுபவர்களின் வேலைவாய்ப்பு அலுவலகப் பதிவு மூப்பு எவ்விதத்திலும் பாதிக்கப்படாது என மாவட்ட ஆட்சித்தலைவர் ஷரண்யா அறி தெளிவுபடுத்தியுள்ளார்.