இந்தியாவின் முதல் பிரதமர் பாரத ரத்னா பண்டித ஜவஹர்லால் நேருவின் பிறந்தநாளை முன்னிட்டு, நாமக்கல் பழைய பேருந்து நிலையம் எதிரே உள்ள நேரு பூங்காவில் அவரது திருவுருவச் சிலை புதுப்பிக்கப்பட்டு திறக்கப்பட்டது.
சுமார் ரூ.4 லட்சம் மதிப்பீட்டில் மேற்கொள்ளப்பட்ட இந்த புனரமைப்புப் பணிகளைத் தொடர்ந்து, நடைபெற்ற சிலை திறப்பு விழாவிற்கு நாமக்கல் சட்டமன்ற உறுப்பினர் திலீப் தலைமை தாங்கினார். இந்நிகழ்வில் நாமக்கல் மாநகராட்சி ஆணையர் செல்வபாலாஜி, முன்னாள் காங்கிரஸ் மாவட்ட தலைவர் ஷேக் நவீத் மற்றும் ஏராளமான பொதுமக்கள் கலந்துகொண்டு நேருவின் திருவுருவச் சிலைக்கு மரியாதை செலுத்தினர்.








