விருதுநகர்: விருதுநகர் ஊராட்சி ஒன்றியம், கூரைகுண்டு ஊராட்சியில் திடக்கழிவு மேலாண்மை விதிகளின்படி மற்றும் மாவட்ட நிர்வாகத்தின் அறிவுறுத்தலின் பேரில் இரண்டாம் கட்ட தீவிர தூய்மைப் பணி வெற்றிகரமாக நடத்தப்பட்டது.
வட்டார வளர்ச்சி அலுவலர் தலைமையில் நடைபெற்ற இந்தப் பணியில், ஊரக வளர்ச்சி முகமை அலுவலர்கள் மற்றும் தூய்மைப் பணியாளர்கள் தீவிரமாக ஈடுபட்டனர். மாவட்ட ஆட்சியர் வளாகம் மற்றும் கவுசிகா நதிக்கரை ஓரங்கள் உள்ளிட்ட 30-க்கும் மேற்பட்ட முக்கியப் பகுதிகளில் தேங்கியிருந்த சுமார் 7 டன் குப்பைகள் முழுமையாக அகற்றப்பட்டு, பாதுகாப்பான முறையில் அப்புறப்படுத்தப்பட்டன.
சுற்றுச்சூழலைப் பாதுகாக்கும் நோக்கில் மேற்கொள்ளப்பட்ட இந்தச் சிறப்பான முன்னெடுப்பிற்கு அப்பகுதி பொதுமக்களிடையே மிகுந்த வரவேற்பும் பாராட்டும் கிடைத்துள்ளது.









