திருவண்ணாமலை அருணாசலேஸ்வரர் கோயிலில் ஐப்பசி மாத உண்டியல் காணிக்கை எண்ணும் பணி தீவிரமாக நடைபெற்று வருகிறது.
கோயிலின் ஆயிரங்கால் மண்டபத்தில் இதற்கான பிரத்யேக ஏற்பாடுகள் செய்யப்பட்டுள்ளன. இப்பணியில் கோயில் பணியாளர்கள், தன்னார்வலர்கள், வங்கி ஊழியர்கள் மற்றும் கல்லூரி மாணவர்கள் உள்ளிட்ட நூற்றுக்கும் மேற்பட்டோர் ஈடுபட்டுள்ளனர்.
பக்தர்கள் காணிக்கையாகச் செலுத்திய ரொக்கம், தங்கம் மற்றும் வெள்ளிப் பொருட்கள் தனித்தனியாகப் பிரிக்கப்பட்டு எண்ணப்பட்டு வருகின்றன. கார்த்திகை தீபத் திருவிழாவிற்கு முன்பாக இந்த உண்டியல் காணிக்கை எண்ணும் பணி மேற்கொள்ளப்படுவது குறிப்பிடத்தக்கது.









