தங்கம் விலை கடந்த சில நாட்களாக தொடர்ந்து ஏற்ற இறக்கங்களை சந்தித்து வருகிறது. நேற்று சென்னையில் 22 கேரட் ஆபரணத் தங்கம் ஒரு சவரன் ரூ.1,11,600-க்கும், ஒரு கிராம் ரூ.13,950-க்கும் விற்பனை செய்யப்பட்டது.
இந்நிலையில், இன்று தங்கம் விலை திடீரென உயர்ந்துள்ளது. 22 கேரட் ஆபரணத் தங்கத்தின் விலை சவரனுக்கு ரூ.2,320 அதிகரித்து ஒரு சவரன் ரூ.1,13,920-க்கும், கிராமுக்கு ரூ.290 உயர்ந்து ஒரு கிராம் ரூ.14,240-க்கும் விற்பனை செய்யப்படுகிறது.
கடந்த சில நாட்களில் தங்கம் விலையில் குறிப்பிடத்தக்க ஏற்ற இறக்கம் காணப்பட்ட நிலையில், இன்று ஒரே நாளில் ஏற்பட்ட இந்த உயர்வு நகை வாங்கத் திட்டமிட்டுள்ள பொதுமக்களின் கவனத்தை ஈர்த்துள்ளது.
வெள்ளி விலையும் உயர்வு
தங்கத்தைப் போலவே வெள்ளியின் விலையும் இன்று அதிகரித்துள்ளது. ஒரு கிராம் வெள்ளி ரூ.5 உயர்ந்து ரூ.255-க்கும், ஒரு கிலோ வெள்ளி ரூ.2.55 லட்சத்துக்கும் விற்பனை செய்யப்படுகிறது.
சர்வதேச சந்தை நிலவரம், பொருளாதார சூழல் உள்ளிட்ட பல்வேறு காரணிகளின் தாக்கத்தால் தங்கம் மற்றும் வெள்ளி விலைகளில் தொடர்ந்து மாற்றங்கள் ஏற்பட்டு வருகின்றன.