சுதந்திரப் போராட்டத் தியாகி வ.உ.சிதம்பரனாரின் நினைவு நாள் இன்று அனுசரிக்கப்பட்டது. இதையொட்டி, திருச்சி நீதிமன்றம் அருகில் அமைந்துள்ள அவரது திருவுருவச் சிலைக்கு, திமுக முதன்மைச் செயலாளரும், நகராட்சி நிர்வாகத்துறை அமைச்சருமான கே.என்.நேரு தலைமையில் திமுகவினர் மாலை அணிவித்து மரியாதை செலுத்தினர்.
இந்நிகழ்ச்சியில், பெரம்பலூர் நாடாளுமன்ற உறுப்பினர் அருண் நேரு, திருச்சி மாநகராட்சி மேயர் மு.அன்பழகன், மாவட்டப் பொருளாளர் துரைராஜ், மாவட்டத் துணைச் செயலாளர் முத்துச்செல்வம் உள்ளிட்ட பல முக்கிய நிர்வாகிகள் மற்றும் தொண்டர்கள் திரளாகக் கலந்துகொண்டு வ.உ.சி சிலைக்கு மலர் தூவி மரியாதை செலுத்தினர்.









